
60 വയസിനു മുകളിൽ പ്രായമായവർക്ക് വിസ പുതുക്കുന്നതിനു ഏർപ്പെടുത്തിയ നിയന്ത്രണം കുവൈറ്റ് മാനവിക മുഖത്തിന് അപമാനം: ആഭ്യന്തര മന്ത്രി
കുവൈത്തിൽ 60 വയസിനു മുകളിൽ പ്രായമായവർക്ക് വിസ പുതുക്കുന്നതിനു ഏർപ്പെടുത്തിയ നിയന്ത്രണം രാജ്യം ഇത് വരെ ഉയർത്തി പിടിച്ച മാനവിക മുഖമുള്ള ചരിത്രത്തിന് അപമാനമാണെന്ന് ആക്റ്റിങ് പ്രധാന മന്ത്രിയുംആഭ്യന്തര, പ്രതി രോധ മന്ത്രിയുമായ ഷെയ്ഖ് ഫഹദ് അൽ യൂസുഫ് പ്രസ്ഥാവിച്ചു. എല്ലാ തൊഴിലാളികളുടെയും ഭൂമിയിലെ ഏറ്റവും സുരക്ഷിത താവളമാണ് കുവൈത്ത്.
കുവൈറ്റിലെ വാർത്തകളും വിശേഷങ്ങളും അറിയാന് വാട്സ്ആപ്പ് ലിങ്കില് ക്ലിക്ക് ചെയ്യുകhttps://chat.whatsapp.com/JKuxVMuEJsKD2PpJ7x6It8
കുവൈത്തിൽ ജനിച്ചവരും ജീവിതത്തിൻ്റെ പകുതിയിലധികം ഇവിടെ ചെലവഴിച്ചവരുമായ പ്രവാസികൾ സത്യസന്ധതയും ആത്മാർത്ഥതയും ബഹുമാനവും പുലർത്തി കൊണ്ട് ജീവിക്കുന്നവരാണ്. തങ്ങൾ അവരോട് നീതി പുലർത്തുകയും അവസാനം അവർ രാജ്യത്തിന് നൽകിയ സംഭാവനകളെ അഭിനന്ദിക്കുകയും ചെയ്യുന്നു.
കുവൈത്തിനെ തങ്ങളുടെ രണ്ടാമത്തെ മാതൃഭൂമിയായി കരുതുന്നവരാണ് പ്രവാസികളിൽ അധിക പേരും . അത് കൊണ്ട് തന്നെയാണ് കുവൈത്ത് വിട്ടുപോകാൻ പ്രവാസികൾ മടിക്കുന്നതെന്നും പ്രാദേശിക ദിന പത്രത്തിനു നൽകിയ അഭിമുഖത്തിൽ അദ്ദേഹം വ്യക്തമാക്കി. 2021 ജനുവരിയിലാണ് 60 വയസ്സിനു മുകളിൽ പ്രായമായ ബിരുദ ധാരികൾ അല്ലാത്ത പ്രവാസികൾക്ക് താമസ രേഖ പുതുക്കുന്നതിനു നിയന്ത്രണം ഏർപ്പെടുത്തിയത്.
ഈ വിഭാഗത്തിൽ പെട്ടവർക്ക് പ്രത്യേക ഇൻഷുറൻസ് ഉൾപ്പെടെ പ്രതി വർഷം ആയിരം ദിനാർ അധിക ഫീസ് നൽകണം എന്നാണ് വ്യവസ്ഥ. ഇതേ തുടർന്ന് മലയാളികൾ ആയിരക്കണക്കിന് പ്രവാസികൾക്കാണ് രാജ്യം വിടെണ്ടി വന്നത്. ആഭ്യന്തര മന്ത്രിയുടെ നിർദേശ പ്രകാരം വരും ദിവസങ്ങളിൽ ഈ നിയന്ത്രണം എടുത്തു കളയുമെന്നാണ് റിപ്പോർട്ടുകൾ.
Comments (0)